Koreano-jugorja Baek Heena fiton çmimin prestigjioz ”Astrid Lindgren’’

Artistja dhe autorja e njohur e librave me fotografi, koreano-jugorja Baek Heena është fituese e çmimit të njohur botëror ”Astrid Lindgren”, për vitin 2020. Baek ka botuar 13 libra me fotografi.

”Librat e saj skenojnë histori për vetminë dhe solidaritetin”, tha kryetari i jurisë, Boel Westin.

Çmimi ‘Astrid Lindgren’ është një çmim letrar suedez me emrin e shkrimtares suedeze Astrid Lindgren. Ky çmim u themelua nga shtëpia botuese Rabén & Sjögren në 1967 për të nderuar Lindgren në ditëlindjen e 60-të të saj.

Çmimi i cili administrohet nga Këshilli i Arteve Suedeze, i jepet çdo vit një shkrimtari  për fëmijë dhe të rritur pavarësisht nga kombësia e tij.