DUKE U NGARKUAR

Shkruaj për të kërkuar

Art & Culture Kendi i Filmit dhe Letërsisë

116 vjet nga vdekja e Sami Frashëri, thënie të mençura të rilindasit të madh

Shpërndaje

Gazetar, dramaturg dhe ideologu themelor i Rilindjes Kombëtare, së bashku me dy vëllezërit e tij Abdylin dhe Naimin, Sami bej Frashëri bën pjesë në plejadën e artë e intelektualëve shqiptarë.
Ndryshe nga Naimi që iu përkushtua gjuhës amtare, Samiu bashkëpunoi për reformën e gjuhës osmane-turke, në hapësirën shprehëse të së cilës loboi për identitetin, problematikat dhe çështjen shqiptare.

Pas vdekjes së prindërve, me në krye vëllain e madh që ishte bërë zot shtëpie, Abdylin, më 1865 familja u shpërngul në Janinë, ku sërish me Naimin ndoqi dhe mbaroi gjimnazin grek “Zosimea” më 1869. Përgjatë rrugëtimit shkollor dhe akademik, Samiu ra në kontakt me filozofinë perëndimore, greqishten e lashtë dhe të renë, latinishten, frëngjishten dhe italishten. Më poshtë do të lexoni disa nga shprehjet dhe thëniet e urta më të njohura të tij:

• Njerëzit janë të njëjtë para natyrës, edukata i bën të dallohen.
• Njerëzit e mirë janë të gjykuar të bëhen skllevër të të këqijve.
• Çdo mizori e ka ditën e vet të gjykimit.
• Liria është thelbi i shpirtit dhe i mendjes. Aty ku s’ka liri, mendja dhe shpirti thahen si bima pa ujë.
• Njeriun e bëjnë të përhershëm veprat e tij.
• Në vend që të shesësh dituri dhe zotësi, përpiqu t’i fitosh ato.
• S’ka gjë më të keqe se të përqeshurit, sepse më shumë prek të mirët se të këqijtë.
• Shoku më i pavlefshëm është ai, i cili, për një fjalë që ka dëgjuar për shokun e tij, nuk e do më atë.
• Ai që pëlqen veten e tij, nuk pëlqehet nga askush.• Duhen shumë mend që të mund shoqërohesh me njerëz pa mend.
• Shpagimi më i ëmbël është të bësh mirë kundër të keqes që të është bërë.
• Po të përdoret mirë koha, do të mjaftojë për të kryer çdo punë.
• Bukuria e njeriut përbëhet nga bukuria e fjalës që flet.
• Njeriu duhet të përpiqet të mësojë çdo gjë, jo të tregojë veten e tij.
• Më i forti i njerëzve është ai që është i zoti të përmbajë vetveten.
• Thjeshtësia e një gruaje është më e vlefshme se stolitë e të gjitha grave të botës.
• Shpata e grave është gjuha e tyre, prandaj nuk e lënë të ndryshket.
• Gruaja duhet të ketë në dorën e djathtë gjilpërën e në të majtën librin.
• Çdo gabim i gruas së ndershme është i falur nga burri i saj.

• Për dashurinë s’ka gjë më të ëmbël se lotët e syve që fshihen me dorën e së dashurës.
• Fytyra e qeshur është kripa e bukurisë.
• Personi që do ti, s’ka asnjë të metë, fillo të mos e duash, pa shih sa të meta ka.
• S’ka lumturi më të madhe në botë se dashuria dhe harmonia.
• Kush i shtrohet gjithkujt është kokëdele.
• Më i poshtri njeri është ai i cili kërkon mirësi nga një i poshtër.
• Qesja nuk zbrazet duke dhënë lëmoshë.

Lër një Koment

Your email address will not be published. Required fields are marked *