Dior sjell në koleksionin e ri teknikën e shekullit të XV

Brand-i prestigjioz Dior prezantoi këtë javë koleksionin e fundit Cruise 2021.

I gjithë koleksioni ka një veçori unike, përdorimin e teknikës së rrallë të qëndisjes, që daton prej shekullit të XV.

Koleksioni i prezantuar në Puglia tregon edhe një pjesë të trashëgimisë kulturore të rajonit.  Për përgatitjen e tij, skuadrës së Dior i erdhën në ndihmë edhe disa artizanë vendas të rajonit të cilët njohin dhe kanë trashëguar ndër breza teknikën e veçantë të kësaj qëndisjeje.

Ata qendisën ‘Tombolo’ , një lloj dantelle që kërkon një teknikë jashtëzakonisht të përpiktë .

Për realizimin e këtij stili, motivet vizatohen fillimisht në letër dhe më pas krijohet qepja me bobina prej druri. Krijimi i fluturave kërkon 15 orë punë.