DUKE U NGARKUAR

Shkruaj për të kërkuar

Beauty & Health

5 këshilla të dobishme për një lëkurë të freskët dhe rinore

Shpërndaje

Pavarësisht nga mosha juaj, nuk është asnjëherë shumë herët për tu kujdesur për lëkurën tuaj.

Ruajtja e freskisë së rinisë është një nga sfidat më të mëdha për shumë ferma, të cilat dëshirojnë një lëkurë të freskët, të butë dhe të bukur.

Përveç faktorit gjenetik që është dominues, aplikimi i një rutine kujdesi është gjithashtu një faktor i rëndësishëm për një lëkurë të bukur dhe rinore për një kohë të gjatë.

Kjo është rutina e bukurisë me pesë hapa:

  1. Përdorni scrub dy herë në javë

Scrub-et e fytyrës përmbajnë mikrokokriza që ndihmojnë në largimin e qelizave të vdekura. Në këtë mënyrë, rigjenerohen qeliza të reja dhe kjo ndihmon që lëkura juaj të duket e bukur. Këshillohet që të përdorni scrub të paktën 2 herë në javë dhe mund ta bëni edhe vetë në shtëpi. Për shembull, mund të bëni scrub-in tuaj duke përzier boronicat, sheqerin dhe mjaltin.

  1. Investoni në një hidratues të mirë

E besoni ose jo, kremi i kërpit CBD është një opsion shumë i mirë për hidratimin e fytyrës, pasi ka veti anti-inflamatore dhe e bën lëkurën tuaj të duket më e freskët. Kremrat e fytyrës CBD janë një zgjidhje shumë e mirë, sidomos nëse keni predispozitë për akne, sepse ndihmojnë në reduktimin e puçrave dhe skuqjes. Gjithashtu, këta kremra reduktojnë prodhimin e tepërt të vajit, gjë që e bën lëkurën tuaj të jetë më pak e yndyrshme.

  1. Përdorni produkte natyrale

Kimikatet e shumta që gjenden në disa kremra janë të dëmshme, sepse mund t’ju krijojnë rrudha, thatësirë dhe iritim. Gjëja më e mirë që mund të bëni është të përdorni produkte që janë tërësisht natyrale, pa fragranca dhe alkol.

  1. Lajeni fytyrën dy herë në ditë

Fytyra duhet larë një herë në mëngjes dhe një herë në darkë. Gjithashtu, nëse bëni aktivitet fizik, duhet ta lani fytyrën edhe pas fiskulturës, pasi djersa bllokon poret. Ama, vini re! Nuk duhet ta lani fytyrën më shumë se ç’duhet, pasi mund t’ju thahet dhe iritohet. Në mëngjes përdorni një larës të butë dhe krem hidratues, kurse në darkë një larës vajor dhe krem hidratues.

  1. Mos harroni kremin e diellit!

Dielli është shumë i dëmshëm për fytyrën dhe këtë e dimë të gjithë. Prandaj, asnjëherë nuk duhet harruar se përdorimi i kremit të diellit është i domosdoshëm. Sigurohuni që ta aplikoni këtë produkt 15 minuta përpara se të dilni jashtë. Kremi i diellit duhet përdorur edhe në dimër, pavarësisht se nuk ka shumë diell!

Lër një Koment

Your email address will not be published. Required fields are marked *