DUKE U NGARKUAR

Shkruaj për të kërkuar

Showbiz

Ermonela Jaho, ambasadore kundër dhunës dhe shfrytëzimit seksual të fëmijëve

Shpërndaje

Ermonela Jaho është zgjedhur të jetë ambasadorja e CRCA/ECPAT Shqipëri në luftën kundër dhunës dhe shfrytëzimit seksual të fëmijëve. Ka qenë vetë sopranoja që e ka bërë publike lajmin në një video të publikuar në anglisht dhe shqip.
“Dhunuesit në mënyrë çnjerëzore po rrëmbejnë çiltërsinë dhe brishtësinë e fëmijëve të dhunuar, por ata nuk do të arrijnë KURRË t’i bëjnë ata të heshtin! Të bëhemi ZËRI i atyre që nuk kanë zë për të folur dhe për të treguar!”- nënvizon Ermonela Jaho, duke ftuar të gjithë të bashkohen në luftën kundër dhunës dhe shfrytëzimit seksual të fëmijëve dhe adoleshentëve.
Ermonela Jaho është Ambasadorja e Parë që CRCA, Barnahus Shqipëri dhe Lëvizja Kombëtare #NEJEMI1 kundër dhunës dhe shfrytëzimit seksual të fëmijëve, shpallën në ditën e parë të hapjes së aktiviteteve në kuadër të Ditës Evropiane dhe Ditës Ndërkombëtare kundër Dhunës ndaj Fëmijëve, që daton në 18 dhe 19 nëntor.

Lër një Koment

Your email address will not be published. Required fields are marked *