DUKE U NGARKUAR

Shkruaj për të kërkuar

Star Kids

Vetëkontrolli në moshë të vogël sjell një cilësi më të mirë të jetës

Shpërndaje

“Proceedings of the National Academy of Sciences” në një studim të botuar së fundmi, ka gjetur një lidhje midis shkallës së vetëkontrollit gjatë fëmijërisë dhe suksesit të mëvonshëm në jetë.

Ata studiuan 1.037 fëmijë të lindur midis viteve 1972-1973 (në Zelandën e Re) nga mosha 3-11 vjeç. Në këtë mënyrë, ata bënë vlerësime të vetëkontrollit të fëmijëve duke biseduar me prindërit e tyre, mësuesit dhe vetë fëmijët.

Secili prej fëmijëve u vlerësua për tipare të tilla si impulsiviteti, apo se sa lehtë zhgënjeheshin kur angazhoheshin në projekte të caktuara, dhe nëse ata i vazhdonin projekte të tilla pavarësisht nga zhgënjimi i tyre. Studiuesit i rishikuan fëmijët dekada më vonë, në moshën 45 vjeç. Secili u intervistua dhe u testua në mënyra të ndryshme, për të mësuar se si u kishte shkuar jeta. Studiuesit zbuluan se ata fëmijë me një shkallë të lartë të vetëkontrollit kishin pasur mesatarisht një jetë më të mirë se sa ata që ishin identifikuar se kishin një vetëkontroll të dobët.

Gjithashtu, të parët kishin më pak shenja të plakjes së trurit, dhe gëzonin në përgjithësi e një shëndet më të mirë. Studiuesit zbuluan ndërkohë, se grupi i njerëzve shumë të vetë-kontrolluar, kishte pasur arritje më të mira financiare dhe sociale. Ata vunë re gjithashtu se niveli i inteligjencës dhe pozicioni shoqëror gjatë fëmijërisë, nuk përbënin ndonjë ndryshim. Fëmijët që kishin pasur probleme me vetëkontrollin, kishin më pak arritje të qëllimeve të standardizuara të jetës, sesa ata që kishin dëshmuar vetëkontroll si fëmijë.

Studiuesit sugjerojnë që përmirësimi i aftësive të kontrollit tek fëmijët mund të sjellë një cilësi më të mirë të jetës një ditë kur të jenë të rritur.

Lër një Koment

Your email address will not be published. Required fields are marked *